Sir Van Morrison, Snow Patrol dhe Ash janë në mesin e afro 150 artistë që kërkojnë “ndihmë urgjente financiare” që industria e muzikës së Irlandës Veriore të mbijetojë.
Ata i kanë shkruar një letër Departamentit për Komunitete (DfC).
Letra iu drejtua ministries Deirdre Hargey dhe në të thuhet se pandemia e koronavirusit do të kishte “pasoja serioze” për sektorin.
“Si rezultat i Covid 19, puna e shumë njerëzve në sektorin e muzikës ka përfunduar brenda natës”, theksohet në letër.
Ministrja aktuale e Komuniteteve Carál Ní Chuilín tha që ajo do të bisedonte me organizatat për financimin.
Vendet ku bëhet muzikë janë mbyllur që nga mesi i muajit mars, dhe ende nuk ka asnjë indikacion se kur mund të rifillojnë shfaqjet live.
Megjithëse baret në Irlandën Veriore hapen më 3 korrik nevoja për masa parandaluese të shëndetit dhe sigurisë ka të ngjarë të thonë që shumë sish nuk do të presin DJ ose s`do të kenë muzikë live, raporton BBC, transmeton Klan Kosova.
