Van Gaal: Arsenali taktikisht superior

Menaxheri i Manchester Unitedit, Louis van Gaal e ka përshkruar Arsenalin si skuadrën më të mirë “teknikisht dhe faktikisht” në Premier Ligë, para përballjes së tyre të dielën.

Skuadra lidere e ligës udhëton në Emirates Stadium këtë fundjavë dhe holandezi ka njohur kualitetin e skuadrës kundërshtare – megjithëse Djajtë e kanë mposhtur në tri nga pesë përballjet e fundit.

Por, ai mendon se Arsenali duhet të përmirësohet ende, ndërsa gjithashtu është i bindur se kualiteti i futbollistëve do të duhej të përkthehej në më shumë tituj.

“Arsenali është teknikisht dhe faktikisht skuadra më e mirë në ligë”.

“Ata nuk kanë fituar shumë, prandaj duhet të përmirësohen”.

“Ne jemi në nivel, por mendoj se Arsenali mund të na shkaktojë probleme. E kanë treguar këtë aftësi disa herë”.