Vala e të nxehtit në Holandë shton numrin e vdekjeve

Holanda javën e kaluar pa rreth 480 vdekje më shumë se sa pritej për shkak të valës së të nxehtit që përfshiu vendin, tha të enjten një vlerësim paraprak nga Instituti Kombëtar për Shëndetin Publik dhe Mjedisin.

Instituti tha se shumica e 480 vdekjeve të tepërta ishin midis njerëzve 80 vjeç e lart, sipas transmetuesit publik holandez NOS.

Numri më i lartë i vdekjeve thuhet se ishte në rajonet lindore dhe jugore, ku temperaturat ishin më të larta, raporton Anadolu, transmeton klankosova.tv.

Instituti tregoi për rreth 3,530 vdekje gjatë kësaj periudhe, krahasuar me rreth 3,050 vdekje që pritej fillimisht, sipas analizës statistikore.

Instituti theksoi gjithashtu se të moshuarit dhe njerëzit me sëmundje kronike janë më të prekshëm gjatë nxehtësisë ekstreme.