Ushtarët e FSK-së që ishin në Ishujt Falkland me ushtrinë britanike kthehen në Kosovë

Kontingjenti i Forcës së Sigurisë së Kosovës, ku bashkë me ushtrinë britanike ishin me mision në Ishujt Falkland, e kanë përfunduar me sukses misionin dhe janë kthyer në Kosovë.

Sipas njoftimit, pjesëmarrja e FSK-së në bashkë-zbarkimin me qëllim të ngritjes së aftësive dhe kapaciteteve, e ngrit nivelin e besimit tek partnerët, përgatit ushtarët për misione dhe rrit nivelin e operacionalitetit të tyre.

“Kontingjenti i FSK-së, në misionin “Atlantiku” ka qenë pjesë e integruar e njësive britanike ku kanë realizuar bashkërisht të gjitha fazat e trajnimit dhe praktikave taktike dhe operacionale në mision”, thuhet në njoftimin e FSK-së, transmeton Klankosova.tv.

Bëhet e ditur se kontingjenti i FSK-së, në aeroportin “Adem Jashari” u pritën nga Komandanti i Forcave Tokësore, gjeneral brigade Hysen Dreshaj, kolonel Valdet Berisha e familjarë të ushtarëve.

*Klikoni KËTU për t’u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.