UEFA bllokon planin e Gjermanisë për të veshur stadiumin me ngjyra të ylberit

Organi kryesor drejtues i futbollit Evropian ka refuzuar kërkesën e ekipit kombëtar të Gjermanisë për të ndriçuar stadiumin me ngjyrat e ylberit në ndeshjen me Hungarinë, për shkak të “kontekstit politik”.

Përkundër mbështetjes lokale në Gjermani për solidarizim ndaj njerëzve LGBT, UEFA ka njoftuar se ata do të ndalojnë ndriçimin e ylberit gjatë ndeshjes së Grupit F në mënyrë që të mbajnë një qëndrim neutral në lidhje me çështjet politike, raporton Goal, transmeton Klankosova.tv.

Deklarata e UEFA-s:

“Racizmi, homofobia, seksizmi dhe të gjitha format e diskriminimit janë një njollë në shoqëritë tona, dhe përfaqësojnë një nga problemet më të mëdha me të cilat përballet loja sot.

Sjellja diskriminuese ka dëmtuar të dy ndeshjet edhe jashtë stadiumeve.

Sidoqoftë, UEFA përmes statuteve të saj, është një organizatë neutrale politikisht dhe fetarisht. Duke pasur parasysh kontekstin politik të kësaj kërkese specifike, një mesazh që synon një vendim të marrë nga parlamenti kombëtar hungarez, UEFA duhet ta refuzojë këtë kërkesë.”

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.