Tyga planifikon emision si të familjes Kardashian

Tani që është ndarë me Kylie Jenner, Tyga mund të përshëndetet me ato paraqitjet fitimprurëse në Keeping Up With the Kardashians.

Por tani Life & Style ka mësuar se reperi nuk planifikon të largohet nga reality TV. “Ai po përpiqet të krijojë emisionin e tij, të titulluar ‘Tyga’s Den’”, ka deklaruar një burim, transmeton Klan Kosova.

Po ashtu bëhet e ditur se në emisionin e tij ai planifikon t’i ftojë edhe Scott Disick dhe Lamar Odom, gjë që e ka nervozuar familjen Kardashian.

Por sipas burimit, ai nuk po e bën këtë që t’i bëjë konkurrencë kësaj familjeje, por për të fituar më shumë para.

“Tyga nuk është teveqel. Ai e di që prezenca e ish-ave të vajzave Kardashian si Scott dhe Lamar  në emisionin e tij do t’i sjell më shumë shikues”, ka përfunduar burimi.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.