Trupi i Liam Payne pritet t’i lirohet familjes së tij

Trupi i Liam Payne do t’i lirohet familjes së tij në mënyrë që të riatdhesohet në Mbretërinë e Bashkuar, sipas raporteve.

Payne vdiq pasi u rrëzua nga ballkoni i katit të tretë të dhomës së tij në hotelin CasaSur Palermo në Buenos Aires, Argjentinë, më 16 tetor.

Autopsia konfirmoi se ai kishte pësuar hemorragji të brendshme dhe të jashtme dhe lëndime të shumta traumatike të marra si pasojë e rënies.

Rezultatet e hershme toksikologjike zbuluan substanca të shumta në sistemin e tij duke përfshirë “kokainën rozë” – një drogë rekreative që zakonisht përfshin një kombinim të metamfetaminës, ketaminës, MDMA, sipas Institutit Kombëtar të Shëndetit.