Trumpi vendos tarifë 5 për qind ndaj Meksikës

Presidenti i SHBA-së, Donald Trump, ka vendosur një tarifë prej 5 për qind për produktet e importuara nga Meksika, duke e akuzuar vendin se nuk po respekton marrëveshjen e vitit 1944 për ndarjen e ujit të lumenjve kufitarë.

Sipas Trumpit, Meksika i detyrohet SHBA-së mbi 800,000 milionë metra kub ujë dhe duhet të lëshojë 200,000 milionë metra kub deri më 31 dhjetor.

Uashingtoni thotë se mungesa e ujit po dëmton rëndë fermerët në Teksas, të cilët kërkojnë masa urgjente, transmeton Klankosova.tv.

Ndërkohë, Meksika e mohon shkeljen e marrëveshjes, duke theksuar se vendi po përballet me një thatësirë historike dhe po furnizon ujë sa i është e mundur.

Tensionet për ujin janë rritur muajt e fundit, ndërsa Trump ka paralajmëruar se tarifat mund të përshkallëzohen nëse, sipas SHBA-së, Meksika nuk i plotëson detyrimet e saj.