Trump thotë se do t’i kërkojë gjykatëses në rastin e tij të gjykimit të largohet

Ish-presidenti amerikan, Donald Trump, ka thënë se do t’i kërkojë gjykatëses në rastin e tij për mashtrim në procesin zgjedhor të tërhiqet për arsye që ai tha se ka “bazë shumë të fuqishme”.

Ai pretendoi se “nuk ka asnjë mënyrë që unë të kem një gjykim të drejtë” nëse bëhet ajo që gjykatësja kërkon.

Thirrja e tij erdhi pasi prokuroria kërkoi një urdhër gjykate që do të kufizonte atë të fliste publikisht për këtë çështje.

Gjykatësja, Tanya Chutkan, u emërua nga ish-presidenti, Barack Obama.

Trump doli në platformën e tij të mediave sociale, Truth Social, të dielën në mëngjes, duke e përshkruar rastin si “liria qesharake e fjalës, zvogëlon çështjen e zgjedhjeve të ndershme” dhe tha se ekipi i tij ligjor do të kërkonte menjëherë përjashtimin e gjyqtares.

Ai nuk jep detaje për arsyet e tij rreth kërkimit të largimit të gjykatëses.

Përjashtimi i gjyqtartes nuk ishte e vetmja gjë që Trump tha se do të kërkonte. Ai gjithashtu dëshiron që çështja e tij të zhvendoset nga Uashingtoni.

Ai thotë se është “e pamundur për të që të ketë një gjykim të drejtë në Uashington”, të cilin ai e përshkruan si “anti-Trump”, shkruan BBC, transmeton Klankosova.tv.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.