Trump pyet përse Biden po e formon kaq shpejt kabinetin e tij?

Republikani Donald Trump ka pyetur se pse demokrati Joe Biden po e formon kaq shpejt kabinetin kur hetuesit e tij [Trump] kanë gjetur qindrja mijëra vota të rreme.

Në llogarinë e tij në Facebook, Trump ka thënë se këto gjetje të mashtrimeve janë të mjaftueshme për ta përmbysur rezultatin në katër shtete të Amerikës, njofton Klan Kosova.

“Pse Joe Biden po e formon kaq shpejt kabinetin kur hetuesit e mi kanë gjetur qindra mijëra vota mashtruese, të mjaftueshme për të ‘rrokullisur’ rezultatin të paktën në katër shtete, që nga ana tjetër janë më se të mjaftueshme për të fituar zgjedhjet?”.

“Shpresojmë që gjykatat do të kenë guximin për të bërë atë që duhet bërë për të ruajtur integritetin e zgjedhjeve tona dhe vetë Shtetet e Bashkuara të Amerikës. BOTA PO SHIKON”.

klankosova.tv