Tri shtete amerikane me numra rekord të infektimeve me koronavirus

Autoritetet në Arizona, Florida dhe Teksasi kanë raportuar rritjen më të madhe ditore në infeksionet me koronavirus.

Të martën Florida raportoi 2.783 raste të reja, Teksasi 2,622 dhe Arizona 2.392.

Testimi është rritur në tri shtetet jugore të Shteteve të Bashkuara të Amerikës dhe kufizimet e bllokimit janë lehtësuar për të ndihmuar në rritjen e ekonomive të tyre, raporton BBC, transmeton Klan Kosova.