Tregimet e rinisë së viteve ’90-ta një nga temat në Manifesta (VIDEO)

Të dielën në ambientet e ish-bibliotekës “Hivzi Sylejmani” në kryeqytet njerëz të nacionaliteteve të ndryshme u mblodhën për të dëgjuar Valentina Bonizzi.

Ajo tregoi për materialet që realizoi në bashkëpunim me Besa Lucin dhe disa të rinj nga Kosova që temë kanë përjetimet e këtyre të fundit gjatë viteve të 90.

Ngjarja u organizua në kuadër të Biennlaes “Manifesta 14”.

Pjesëmarrësit e shijuan organizimin por edhe mundësinë që të njohin njerëz nga vende të huaja e të moshave të ndryshme.

Ndërkohë gjatë ditës pati edhe performancë me piano në ambientet e hotelit Grand.

Bienalja “Manifesta 14” filloi të premten dhe do të sjellë ngjarje të ndryshme për rreth 100 ditë sa do të qëndrojë e hapur.