Tornadot mbysin 23 njerëz dhe shkatërrojnë Misisipin

Mbi 23 njerëz kanë vdekur pasi tornadot kaluan në shtetin amerikan të Mississippi të premten mbrëma.

Kurse, më shumë njerëz mendohet se janë bllokuar nën rrënojat e ndërtesave të shkatërruara.

Tornadot shkaktuan shkatërrime në disa qytete rurale, ku pemët dhe linjat e energjisë u shkatërruan dhe u raportuan dhjetëra mijëra ndërprerje të energjisë elektrike, shkruan CNN, përcjell Klankosova.tv.

Disa shtete të tjera jugore janë gjithashtu të përgatitur për stuhi të fuqishme.

Breshër në madhësinë e topave të golfit dhe reshje të dendura shiu janë raportuar në disa zona të shtetit.

Banorët e Rolling Fork, një qytet i vogël në Misisipin perëndimor, thanë se një tornado theu dritaret nga pjesa e pasme e shtëpive të tyre. Dëmet në zonë raportohen të jenë veçanërisht të rënda.

Njerëz të tjerë u bllokuan në grumbuj rrënojash, ndërsa disa njësi të zbatimit të ligjit janë të pagjetur në qarkun e Sharkey.

Një parashikues lokal i motit, i shqetësuar nga forca e një tornado që do të godiste qytetin e Amery, ndaloi për një moment parashikimin e tij televiziv për të ofruar një lutje për banorët e qytetit.

Guvernatori i Misisipit, Tate Reeves, shkroi në Twitter se ekipet e kërkimit dhe shpëtimit po ofronin mbështetje mjekësore për të prekurit.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.