Topalli: Abetarja mollë e ndaluar në Luginë

Debati në Parlamentin e Kosovës rreth gjendjes së arsimit në Luginë Preshevës ka përplasur opinionet e deputetëve nga pozita dhe opozita.

Faton Topalli, deputet i Vetëvendosjes, ka thënë se në Luginën e Preshevës abetarja shqipe mund të përdorët vetëm ilegalisht, përndryshe nuk është e lejuar.

“Abetarja është molle e ndaluar në Luginë , ajo është e censuruar. Ata përdorin abetare ilegalisht si në kohën e Pandeli Sotirit, atë mësojnë vetëm 30 % të historisë së tyre pasi qeveria serbe nuk i lejon. Nxënësit ende mësojnë duke marr shënime”.

Topalli dha se qeveria e Kosovës i ka zhgënjyer pritjet e popullit atje.

“Ata kanë shpresuar se me shpalljen e pavarësisë së Kosovës , kuvendi , qeveria do të bëjnë më shumë për atë pjesë,njohja e diplomave nuk aplikohet në praktikë. Hapat e ndërmarra deri tani janë më shumë formal se sa përmbajtjesor”,

Por, deputeti i PDK, Bekim Haxhiu, ka siguruar Topallin dhe të gjithë dyshuesit se rekomandimet e dhëna do të realizohen.

“Janë paragjykime nga ata që thonë se këto rekomandime nuk do të zbatohen, e jona është që të marrim vendime, e këto vendime të zbatohen duke i bërë presion qeverisë”.

Nëse nuk zbatohet është Kuvendi që duhet ta thërret ministrin e Arsimit ose kryeministrin në interpelancë kësisoj të zbatohen këto rekomandime për Luginën e Preshevës. Ajo çfarë ka bërë komisioni për arsim është që e ka ngrit këtë çështje dhe e ka sensibilizuar gjendjen e arsimit në luginë por duhet edhe komisione tjera ta vizitojnë Preshevën”, tha Haxhiu

Sot më herët gjatë seancës, Ministri i Arsimit, Arsim Bajrami, tha se pos kurrikulave ministria e tij do t’i furnizojë edhe me romane e lektyra që bibliotekat atje të jenë të mbushura me libra shqip.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.