Tërmkolli: Po na rrënohet shteti para fytyrës

Deputetja e Lidhjes Demokratike të Kosovës, Melihate Tërmkolli, në fjalën e saj pas vazhdimit të seancës në sallën alternative të Kuvendit është shprehur e ashpër me ngjarjet që po ndodhin.

Ajo ka shtruar një pyetje se kush është i përjashtuar në këtë rast? Duke aluduar se Opozita është në sallë e pozita është detyruar të largohet.

“Mendoj që Opozita nuk e ka përjashtuar vetën, Opozita është duke qëndruar në sallë ne kemi dalë nga salla ne e kemi përjashtuar vetën nga Parlamenti. Unë do të rri këtu veç me u votu marrëveshjet ndërkombëtare më pastaj unë nuk vazhdoj.”

“Nuk shkon më me improvizime, një zgjidhje duhet me u bë, po na rrënohet shteti para fytyrës,” ka përfunduar Tërmkolli, njofton Klan Kosova.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.