Të moshuarit rrëzohen një herë në vit - Klan Kosova

Na ndiqni në:


Get it on Google Play Download on the App Store

Të moshuarit rrëzohen një herë në vit

NULL NULL
01/10/2015

1 Tetori njihet si Dita ndërkombëtare e Personave të Moshuar.

Këtë vit Ministria e Shëndetësisë në Bashkëpunim me Institutin Kombëtar të Shëndetit Publik të Kosovës do të shënojnë këtë ngjarje me moton “Qëndrueshmëria dhe gjithëpërfshirja moshore në mjedisin urban”.

Poashtu me rastin e shënimit të kësaj dite do të shpërndahen edhe fletuksha “Parandalimi i rrëzimeve te personat e moshuar”.

Specialisti i Shëndetit Publik në Institutin Kombëtar të Shëndetit Publik Naim Jerliu i tha Klan Kosovës se çdo i moshuar mbi moshën 65 vjeçare rrëzohet një herë në vit si në ambientin ku jeton ashtu edhe në hapësira publike, andaj për këtë fakt sipas tij është e nevojshme të vetëdijësohet popullata për kujdesin ndaj pleqve.

Sipas Jerliut të moshuarit po ballafaqohen me probleme të ndryshme si shëndetësore ashtu edhe shoqërore, njofton Klan Kosova.