Të gjitha detajet nga rënia e dronit në lagjen Bair të Mitrovicës (VIDEO)

Një dron, që ka rënë sot në lagjen Bair të Mitrovicës, ka bërë bujë në media, pasi nuk dihet se nga ka ardhur apo nëse është i ngjashëm me atë që ra edhe në Zagreb ditë më parë.

Droni ka rënë në ballkonin e shtëpisë së familjes Sylejmani, ndërsa nga ballkoni ka rënë në tokë.

Sipas dëshmitarëve, droni ka qenë i përmasave të mëdha, i paparë ndonjëherë nga ta në këtë zonë.

Nga përshkrimi i familjarëve dhe dëshmitarëve, droni ka qenë i gjerë 3.5 metra dhe i gjatë 1.5 metra.

Policia ka ardhur në vendin e ngjarjes dhe e ka marrë dronin me vete.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.