‘Talat Xhaferi e ka koeficientin sa të Ajnshtajnit’, thotë vëllai i tij (VIDEO)

Vëllai i Talat Xhaferit ka thënë se ky i fundit e ka koeficientin sa të shkencëtarit Albert Ajnshtajn.

Kështu ka thënë ai në një lidhje direkte në Klan Kosova, pak minuta pas zgjedhjes së Talat Xhaferit në krye të qeverisë teknike në Maqedoninë e Veriut.

“Na gëzoi dhe e kam ditur që do të votohet sepse ai punët nuk i len në gjysmë, përherë me përkushtim kryen detyrat edhe kur ka pengesa të paarsyeshme nga partitë ose deputetët tjerë, ai gjen përherë një rrugë më të drejtë dhe më reale për bashkëjetesën e popullit në Maqedoni”.

Tutje, ai ka thënë se vëllai i tij është i kalitur dhe se ka eksperiencë të madhe për ta drejtuar vendin.

“Po të vijë edhe pas orës 00:00, së pari shkon lexon drejtësi dhe aq e ka koeficientin sa Ajnshtajni, ndoshta pak më të madh”, është shprehur Neshat Xhaferi.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.