Takimi Kurti-Vuçiq, Borrell: Sytë e BE-së janë sot te Ohri

Përfaqësuesi i lartë të Bashkimit Evropian, Josep Borrell, thotë se sytë e Bashkimit Evropian dhe Ballkanit Perëndimor janë sot në Ohër.

Kjo teksa pritet të zhvillohet takimi i radhës në mes kryeministrit, Albin Kurti dhe presidentit serb, Vuçiq, ku do të diskutojnë për zbatimin e marrëveshjes së dakorduar në parim më 27 shkurt në Bruksel, njofton Klankosova.tv.

“Sytë e BE-së dhe Ballkanit Perëndimor janë sot te Ohri. Pas diplomacisë intensive të anijes ndërmjet Beogradit dhe Prishtinës, ne do të diskutojmë me presidentin Aleksandar Vuçiq dhe Albin Kurti për aneksin e zbatimit – një pjesë integrale e Marrëveshjes për rrugën drejt normalizimit të marrëdhënieve”, ka shkruar Borrell në Twitter krahas një fotografie nga liqeni i Ohrit.

Rrini të informuar mbi zhvillimet kryesore duke u bërë pjesë e komunitetit tonë në Viber

BONUS: Merreni aplikacionin tonë në Android dhe iOS