Superiorja e Shqipërisë, favoritët fitojnë dhe lufta për kreun në kulminacion

Dinamo e Tiranës nuk e ka humbur hapin për kreun e tabelës.

Skuadra e udhëhequr nga ish-timonjeri i Ballkanit, Ilir Daja, fitoi 2-0 sfidën ndaj Teutës së Durrësit, ku golin e parë e shënoi futbollisti në top-formë na Kosova, Baton Zabërgja, derisa epilogun përfundimtar e vendosi portugezi Tiago Nani.

Hap të gabuar nuk bëri as kampionja aktuale e Shqipërisë, njofton Klankosova.tv

Egnatia e mundi Elbasanin 3-1, me dobjetën e Regi Lushkjes, derisa golin e tretë e shënoi Mohammed Yahaya.

I vetmi realizim për mysafirët në këtë ballafaqim, ishte ai i Xhonathan Lajthisë, kur barazoi shifrat 1-1.

Renditjes tabelare vazhdon t’i prijë Partizani me 27 pikë, por që do ta luaj nesër derbin e kryeqytetit ndaj Tiranës.

Rrogozhinasit kampionë kanë 26 pikë, kurse Vllaznia e Shkodrës 25.

Dinamo City pas tyre në vendin e katërt ka 24 sosh, raporton Klankosova.tv.

Edhe në luftën për mbijetesë, Laçi me golin e Nicolas Koffi Kouame, triumfoi ndaj Skenderbeut.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.