Sulmet izraelite vrasin 13 persona gjatë natës në Rafah

Dy sulme ajrore izraelite në Rafah gjatë natës vranë të paktën 13 persona, përfshirë nëntë anëtarë të së njëjtës familje, sipas zyrtarëve të spitalit dhe të afërmve.

Numri i palestinezëve të vrarë gjatë luftës në Gaza ka tejkaluar 28 mijë njerëz, sipas Ministrisë së Shëndetësisë të drejtuar nga Hamasi në Gaza, transmeton Klankosova.tv.

Një e katërta e banorëve të Gazës po vdesin nga uria. Rreth 1 mijë e 200 njerëz, kryesisht civilë, u vranë dhe rreth 250 u rrëmbyen në sulmin e Hamasit ndaj Izraelit më 7 tetor, që shkaktoi luftën.

Sulmet brenda natës erdhën pasi presidenti i ShBA-së, Joe Biden paralajmëroi edhe një herë kryeministrin izraelit, Benjamin Netanyahu që të mos ecë përpara me një operacion ushtarak në qytetin më jugor të Gazës pa një “plan të besueshëm dhe të zbatueshëm” për të mbrojtur rreth 1.4 milionë palestinezë të strehuar atje.