Sullivan i Shtëpisë së Bardhë do të vizitojë nesër Bregun Perëndimor

Këshilltari i Sigurisë Kombëtare i Biden, Jake Sullivan do të takohet me presidentin e Autoritetit Palestinez, Mahmoud Abbas nesër në Ramallah në Bregun Perëndimor të pushtuar, raporton Reuters, duke cituar një zyrtar amerikan të paidentifikuar.

Sipas agjencisë së lajmeve, Sullivan do të diskutojë rinovimin e Autoritetit Palestinez dhe mbajtjen përgjegjëse të kolonëve “ekstremistë” izraelitë për sulmet ndaj palestinezëve, raporton Aljazeera, transmeton Klankosova.tv.

Sullivan u takua me kryeministrin izraelit, Benjamin Netanyahu dhe zyrtarë të tjerë sot në Izrael dhe tha më pas se Autoriteti Palestinez duhet të qeverisë përfundimisht si Bregun Perëndimor të pushtuar ashtu edhe Rripin e Gazës.