Studim: Varësia ndaj telefonave të mençur – të rinjtë në panik kur u mohohet përdorimi NULL NULL 02.12.2019 10:00 02.12.2019 10:00 Pothuajse një e katërta e të rinjve janë aq të lidhur me telefonat e mençur, saqë kjo po shndërrohet në varësi, sugjeron hulumtimi i fundit i realizuar nga disa psikiatër. Studimi, nga King’s College London, thotë se një sjellje e tillë varësie do të thotë që njerëzit “panikojnë” ose “mërziten” nëse u mohohet qasja e vazhdueshme në telefona të mençur. Të rinjtë gjithashtu nuk mund të kontrollojnë sasinë e kohës që kalojnë në telefon. Studimi paralajmëron se varësi të tilla kanë “pasoja të rënda” për shëndetin mendor. Hulumtimi, i botuar në BMC Psychiatry, analizoi 41 studime që përfshinin 42,000 të rinj në një studim mbi “përdorimin problematik të telefonave të mençur”. Studimi zbuloi se 23% kishin sjellje që ishin në përputhje me një varësi – të tilla si ankthi kur nuk janë në gjendje të përdorin telefonin e tyre, mungesa e moderimit të kohës që kalojnë duke përdorë telefonat e mençur aq shumë sa ishte e dëmshme për aktivitetet e tjera. *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
