Stoltenberg thotë që i vjen keq për vendimin e Putinit që ta pezullojë traktatin për armët

Sekretari i Përgjithshëm i NATO-s, Jens Stoltenberg, tha se i vjen keq për vendimin e Rusisë për të pezulluar pjesëmarrjen në traktatin e kontrollit të armëve bërthamore.

Gjatë një konference të përbashkët për shtyp me ministrin e Jashtëm të Ukrainës, Dmytro Kuleba dhe shefin e politikës së jashtme të BE-së, Josep Borrell, të mbajtur menjëherë pasi Presidenti Vladimir Putin i dha një paralajmërim Perëndimit për Ukrainën, Stoltenberg tha se Rusia ishte agresori.

“Është presidenti Putin ai që filloi këtë luftë perandorake pushtuese… Siç e bëri të qartë Putin sot, ai po përgatitet për më shumë luftë… Putini nuk duhet të fitojë… Do të ishte e rrezikshme për sigurinë tonë dhe të gjithë botën”, shtoi Stoltenberg.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.