Stano: Kosova ende nuk e ka dorëzuar një raport për sulmin në Banjskë NULL NULL 25.06.2024 13:06 25.06.2024 13:06 Stano: Kosova ende nuk e ka dorëzuar një raport për sulmin në Banjskë Zëdhënësi i Bashkimit Evropian Peter Stano, në një konferencë për media edhe njëherë i është rikthyer sulmit terrorist në Banjskë që ndodhi më 24 shtator të vitit të kaluar, ku u vra polici i Kosovës, Afrim Bunjaku. Stano tha se “autoritetet e Kosovës ende nuk kanë dorëzuar një raport lidhur me hetimet në Banjskë”. “Në lidhje me hetimin. Fillimisht, hetimi duhet të bëhet nga autoritetet kosovare. Nëse po i referoheni incidentit në Banjskë, të 24 shtatorit, kjo është diçka që ka ndodhur në territorin e Kosovës dhe autoritetet kosovare janë përgjegjëse për hetimin dhe ofrimin e një raporti të plotë hetimi. Kjo nuk ka ndodhur ende, kështu që nuk mund të vazhdojmë pa pasur rezultatet e hetimit”, tha Stano. “Menjëherë pas sulmit dhe ditë, javë e muaj më vonë, kemi bërë të qartë pozitën tonë se çka presim nga dy palët, si Kosova ashtu edhe Serbia kur bëhet fjalë për pjesëmarrjen e mundshme ose mbështetjen e këtij sulmi të tmerrshëm nga ana serbe. Përsëri e gjithë kjo duhet të jetë objekt hetimi, dhe gjetjet do të përfshihen në raportin final, i cili me gjasë nuk është përfunduar ende ose të paktën, nuk na është vënë në dispozicion deri në këtë fazë”, theksoi ai. *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
Kosova Gjendet e mitura që u raportua e zhdukur sot në Lipjan, është në gjendje të mirë shëndetësore 10 minuta më parë
Kosova Kryeparlamentarja sllovene: E mbështesim anëtarësimin e Kosovës në çdo mekanizëm të BE-së 7 orë më parë
Kosova Kurti pas vdekjes së Kadaresë: Anija e romaneve të tij do të lundrojë pafundësisht, për aq sa bota do të ketë lexues dhe shqipja shqiptarë 9 orë më parë