Spiropali: Të punojmë që flamuri Kuq e Zi të jetë në BE, për Shqipërinë dhe Kosovën

Ministrja e Jashtme të Shqipërisë, Elisa Spiropali, ka takuar sot presidenten Vjosa Osmani në Shkodër në prag të 28 Nëntorit.

Në ceremoninë e “Sofrës Shqiptare”, ajo ka thënë se Shqipëria duhet të punojë që të hyjë sa më shpejt në Bashkimin Evropian.

“Duhet të punojmë që flamuri ynë të jetë i 28-ti në Bashkimin Evropian për vete dhe për Kosovën”, ka thënë Spiropali.

Osmani ishte bashkë me bashkëshortin e saj, Prindon Sadriun, aty i pranishëm ishte edhe kryetari i Bashkisë së Shkodrës, Benet Beci, si dhe ambasadori i Shqipërisë në Kosovë, Petrit Malaj. /Klankosova.tv.