Spahiu: Vizita e Merkel e dyta për nga rëndësia që nga viti 2007, Kurti e Rama treguan papjekuri (VIDEO)

Spahiu: Vizita e Merkel e dyta për nga rëndësia që nga viti 2007, Kurti e Rama treguan papjekuri (VIDEO)

NULL NULL
5 days më parë

Kreu i Aleancës Kuq e Zi, Kreshnik Spahiu, ka folur rreth vizitës së Kancelares gjermane, Angela Merkel, në Tiranë ku i takoi edhe liderët nga Kosova, duke e cilësuar këtë vizitë si të dytën për nga rëndësia që vizita e ish presidentit amerikan, Xhorxh Bush, në vitin 2007.

Sipas Spahiut, në këtë takim, të dy krerët e qeverive, Edi Rama e Albin Kurti, treguan papjekuri në prezantimin e tyre përballë lidershipit evropian.

“Unë e shoh të pafalshme dhe amatoreske që divergjencat e tyre të shfaqën në media e në sytë e gjithë perëndimit”, ka thënë Spahiu, njofton Klankosova.tv.

Tutje, ai thotë se në marrëdheniet Rama-Kurti ka një zbehje, për faktin se më shumë harmoni shihet në takimet e Edi Rames me presidentin serb, Aleksandar Vuçiq, sesa me kryeministrin e Kosovës, Albin Kurti.

“Unë jam mësuar që të Qeveria e Shqipërisë të takohet me Qeverinë e Kosovës në Prizren, në Prishtinë të takoheshin në Tiranë dhe gjithë ajo traditë e mirë e dy qeverive me një platformë është shuar dhe është shumë larg . Të dy shtetet dhe të dy qeveritë tashmë e shohin njëra tjetrën jo më si motër e vëlla por as si komshi”, ka thënë ai.

Më tej, Spahiu ka kritikuar qasjen e kryeministrit të Kosovës, Albin Kurti, pasi që sipas tij ky i fundit nuk shihet një dialogues i mirë nga evropianët.

“Në radhë të parë liderët tanë duhet të dialgojnë. Mendoni ju që ka ndonjë evropian që e shikon Albin Kurtin që është i aftë të dialogoj me Serbinë kur nuk është i aftë të dialogoj me Edi Ramën”.

“Mos të harrojmë që VV-ja ka marrë pjesë në zgjedhjet në Shqipëri dhe ka marrë një rol opozitar për rrëzimin e qeverisë dhe kjo është një rast i paprecedent”, është shprehur Spahiu, njofton Klankosova.tv.