Sot rivarrosen dhjetë viktimat e luftës që ishin të zhdukur

Mbetjet mortore e 10 viktimave të luftës që ishin në Listën e Personave të Zhdukur, të identifikuar së fundmi nga mbetjet mortore të zhvarrosura nga varreza masive në Bishtazhin, rivarrosen sot.

Pas mbledhjes komemorative të organizuar dje në Malishevës, ceremonitë e rivarrimit të organizuara nga komunat përkatëse, më përkrahjen e Komisionit Qeveritar për Persona të Zhdukur dhe Forcës së Sigurisë së Kosovës, organizohen sot më 4 prill, transmeton Klankosova.tv.

Ky komision njofton se nga ora 12:00 – 13:00, mbahen Homazhet në Sallën e Sporteve “Adem Jashari”, Klinë, në ora 13:00 – Akademia Përkujtimore , në Sallën e Sporteve Klinë.

Ndërsa nga ora 14:30 ceremonia e rivarrimit në Kompleksin Memorial “Kodra e Kuqe” në Grabanicë,  të viktimave :

-Adem (Hazir) Gashi, Klinë;

-Sahit(Ahmet) Gashi, Klinë;

-Bekim(Hashim) Hasani , Klinë;

-Sheremet(Brahim) Ismajli , Klinë;

-Osman(Kadri)Fejza , Klinë;

-Shkelzen Rifat Hajdaraj , Klinë;

-Bekim (Muharrem) Gashi, Klinë.

Nga ora 16:30 nis ceremonia e rivarrimit në varrezat në Jashanicë (Klinë), të viktimës së luftës Mentor (Xhemajl) Myrtaj.

Në Malishevë mbahet ceremonia e rivarrimit të viktimës së luftës Vehbi (Pajazit) Halilaj, sakaq në  ora 13:00 mbahen homazhet në Shkollën “Petro Nini Luarasi”, në fshatin Llapqevë, ndërsa në ora 14:00  rivarrimi i Mentor (Maliq) Kryeziu në varrezat e fshatit Llapqevë .

Në ora 15:00 mbahen homazhe te Oda e Fshatit (pranë shkollës) në Bubavec, kursë në ora 16:30 – rivarrimi në varrezat e fshatit Bubavec.

Ndërsa rivarrimi i mbetjeve mortore të viktimës Sabedin (Kadri) Kryeziu, është organizuar më 21 mars 2025 në varrezat e fshatit Mleqan, Malishevë.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.