Sonte në Zona B: Qeveria përballë grevistëve NULL NULL 28.01.2019 14:46 28.01.2019 14:46 Për grevën që s’po ndalet dhe ofertën e vetme qeveritare; për ndikimin që ajo ka pasur tek nxënësit dhe pacientët; për mosmarrëveshjet dhe mundësinë që palët të merren vesh, sonte në Zona B, koordinatori nacional për Reforma Shtetërore Besnik Tahiri përballet me përfaqësues të SBASHK-ut dhe Kolegjiumit të Kirurgëve A gaboi qeveria me koeficientët e vendosur në Projektligjin për Paga? Si i arsyeton ata dhe mënyrën e përcaktimit të tyre shefi i reformave shtetërore? Pse s’e pranojnë këtë projektligj sindikatat e arsimit, shëndetësisë dhe drejtësisë? Deri kur janë të gatshëm të mbeten në grevë mësimdhënësit dhe kirurgët? Kush jep përgjegjësi për dëmet që pësojnë nxënësit e pacientët nga kjo grevë? A ka plan qeveria që t’i zgjidhë këto probleme me ligjin? Çka do të bëjnë grevistët nëse tentohet që projektligji të votohet si i tillë? Përgjigjet e këtyre dhe shumë pyetjeve tjera jepen sonte në Klan Kosova. Në Zona B, me fillim në orën 21:00, koordinatori nacional për Reforma Shtetërore Besnik Tahiri përballet me përfaqësues të SBASHK-ut dhe Kolegjiumit të Kirurgëve.
