Skiatorja më e vjetër në Angli, në skia dhe në moshën 102 vjeçare

Skiatorja më e vjetër e Britanisë së Madhe, kishte filluar këtë sport në Skotlandë me një palë skie të përpunuara në shtëpi.

Ndërsa tani 102 vjeçares Hilda Jamieson i duhet të heqë dorë nga ky sport, për shkak të një gjendjeje shëndetësore e cila e la pothuajse të verbër, shkruan Daily Mail, transmeton Klan Kosova.

Stërgjyshja angleze, e cila e ka praktikuar skijimin në shumë vende të botës, këta muajt e fundit ia ka dalë që të skijojë vetëm me ndihmën e dikujt, të vajzës së saj në këtë rast.

Mirëpo tani, për shkak të kushteve të saja mjekësore asaj i është dashur që të heqë dorë nga ky sport për të cilin ishte aq entuziaste.

“Po qe se skijove për pak kohë, ky sport do të bëhet pjesë e juaja. S’mund të jetoni pa të”, thotë Hilda Jamieson.

Ajo ka 10 nipër dhe 20 stërnipër, dhe të gjithë janë skijatorë, e disa prej tyre kanë fituar gara kombëtare e kanë përfaqësuar Skotlandën jashtë vendit.