Situata me koronavirus, Zemaj mbledh Komitetin për Koordinim dhe Vlerësim

Ministria e Shëndetësisë ka njoftuar se sot në orën 11:00 do të mblidhet Komiteti për Koordinim dhe Vlerësim të Situatës me koronavirus.

“Sot, nën kryesimin e Ministrit të Shëndetësisë, z. Armend Zemaj, do të mbahet takimi i Komitetit për Koordinim dhe Vlerësim të Situatës me COVID 19”, bëhet e ditur në një njoftim për media të MSh-së, transmeton Klan Kosova.

Ky takim mbahet një ditë pasi vendi regjistroi 398 raste me COVID-19, shifër kjo më e larta për vitin 2021.