Shtatë persona vdesin pasi hëngrën mish helmues të breshkave në Tanzani

Shtatë persona, përfshirë një trevjeçar, kanë vdekur në ishullin Pemba të Tanzanisë pasi hëngrën mish helmues të breshkës. Tre të tjerë janë ende në spital.

Mishi është një delikatesë e zakonshme në mesin e atyre që jetojnë në ishujt dhe zonat bregdetare të Tanzanisë, por autoritetet tani kanë ndaluar konsumimin e breshkave në zonë.

Në raste të rralla, mishi i breshkave mund të jetë toksik për shkak të një lloj helmimi ushqimor të njohur si kelonitoksizëm.

Shkaku i saktë i tij nuk dihet, por mendohet se lidhet me algat helmuese që hanë breshkat, sipas bamirësisë së Fondacionit Turtle.

Të paktën pesë familje në Pemba, e cila është pjesë e ishujve gjysmë-autonome të Zanzibarit, hëngrën mishin e breshkës të enjten e kaluar, tha komandanti i policisë lokale Juma Said Hamis për BBC.

Efektet u ndjenë fillimisht të nesërmen dhe trevjeçari ishte i pari që vdiq. Dy të tjerë vdiqën atë natë dhe më pas katër të tjerë të dielën, transmeton Klankosova.tv.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.