Shqipëria bëhet me medalje olimpike, Begaj e uron Valievin

Presidenti shqiptar, Bajram Begaj, e ka uruar Chermen Valievin pasi e fitoi medaljen e parë olimpike për Shqipërinë.

Ai ka ndarë një fotografi të Valievit në Facebook, ku ka shkruar: “Shumë urime për Chermen Valiev që i dhuroi Shqipërisë medaljen e parë olimpike”, njofton Klankosova.tv.

Chermen Valiev ia doli të mposhtte Viktor Rassadinin e Taxhikistanit për medaljen e bronztë në garën e stilit të lirë për peshën deri në 74 kg në Lojërat Olimpike Paris 2024, me rezultat 6-2.