Shpërthim me tritol në Fushë-Krujë

Një shpërthim me eksploziv ka ndodhur mëngjesin e sotëm në një fabrikë në Fushë-Krujë.

Sipas burimeve për A2 CNN, bëhet e ditur se lënda plasëse ishte vendosur në murin e fabrikës në fjalë.

Ndërkohë është raportuar se nuk ka njerëz të lënduar nga shpërthimi, por vetëm dëme materiale.

Policia ndodhet në vendngjarje dhe po punon për të identifikuar dhe arrestuar autorin, ndërkohë grupi hetimor vijon punën për zbardhjen e plotë të ngjarjes.