Shkatërrohet sasi e madhe e drogës në Prizren

Është shkatërruar sasi e madhe e narkotikëve në Prizren, e cila ishte konfiskuar në raste të ndryshme penale.

Kjo u bë me autorizimin e ushtruesit të detyrës së Prokurorit të Shtetit, Besim Kelmendi, e ku mori pjesë edhe kryeprokurori i Przrenit, Petrit Kryeziu.

Në njoftimin, thuhet se shkatërrimi është kryer nga komisioni kompetent, në përbërje të të cilit kanë qenë përfaqësues nga Prokuroria, Gjykata dhe Policia e Kosovës, në përputhje me procedurat standarde të veprimit.

Prokuroria e Shtetit, ka bërë të ditur se gjatë këtij procesi janë shkatërruar këto sasi të substancave narkotike dhe sendeve të ndërlidhura:

• Marihuanë: 347 kg e 804.79 gram;

• Kokainë: 886.89 gram;

• Heroinë: 7 kg e 788.7 gram;

• Bimë kanabis: 8 copë;

• Fara kanabisi: 100 kg + 37.7 gram;

• Kërpudha narkotike: 155.7 gram;

• Monedha të letrës: 160 euro;

• Valixhe (çantë): 3 copë;

Procesi i shkatërrimit është realizuar në një ambient të licencuar, duke respektuar standardet ligjore dhe praktikat e sigurisë.