Shala uron Federatën e Hendbollit

Ministri i Kulturës, Rinisë dhe Sportit, Kujtim Shala uron Federatën e Hendbollit të Kosovës, me rastin e pranimit me të drejta të plota në Federatën Ndërkombëtare të Hendbollit – IHF, duke u bërë anëtare e 200-të e kësaj federate, njofton Klan Kosova.

Shala përgëzon drejtuesit e Federatës së Hendbollit të Kosovës, hendbollistët, dhe gjithë ata që kanë kontribuar për këtë sukses të jashtëzakonshëm të hendbollit të Kosovës.

Shala më tej u shpreh se përparimi i sportit të Kosovës në planin ndërkombëtar, është dëshmi e sukseseve të shtetit të Kosovës.

“Ky është edhe një hap i rëndësishëm, që ndihmon dhe përshpejton ndërkombëtarizimin dhe njohjen e sportit kosovar në arenën ndërkombëtare”, ka theksuar ministri Shala.

Ai ka shtuar se MKRS-ja do të mbështesë në vazhdimësi sportin e Kosovës, sidomos në ngritjen cilësore të tij dhe në afirmimin e tij në rrafshin ndërkombëtar.

klankosova.tv