Salah shumë afër transferimit në Arabi Saudite

Mohamed Salah do të jetë në qendër të vëmendjes teksa Liverpooli rikthehet në aksion sot në një përballje të madhe të FA Cup kundër Manchester City, pas konfirmimit për largimin e tij.

Sulmuesi egjiptian ka bërë të ditur se do të largohet nga “Anfield” në fund të sezonit, duke i dhënë fund një periudhe të shkëlqyer nëntëvjeçare në ligën angleze, transmeton Klankosova.tv.

Tashmë vëmendja është zhvendosur te destinacioni i tij i ardhshëm, sipas mediave angelze, bëhet fjale për një transferim në Saudi Pro League.

Mediat angleze kanë raportuar se janë zhvilluar bisedime mes dy palëve që nga njoftimi i Salahut, ndërsa largimi nga Premier League është diçka që do të ndodh.

Ndër favoritët kryesorë për nënshkrimin e tij, aktualisht prin Al-Ittihad.

Megjithatë, konkurrenca mbetet e fortë, pasi edhe Al-Hilal, Al-Nassr, NEOM SC dhe Al-Qadsiah janë lidhur me një lëvizje të mundshme.