Rutte: NATO-ja e mbështet procesin e dialogut mes Kosovës dhe Serbisë

Kosova është përmendur nga sekretari i Përgjithshëm i NATO-së, Mark Rutte edhe në paraqitjen e tij të radhës para mediave.

Ai tha se në sesionin e dytë të takimit të Ministrave të Mbrojtes, nesër më 18 tetor, do të diskutohet për mbështetjen ndaj Ballkanit Perëndimor dhe ndaj Kosovës, njofton Klankosova.tv.

Rutte deklaroi se do të flitet edhe për KFOR-in, ndërsa përmendi edhe kancelarin gjerman Olaf Scholz, për të cilin tha se e di që Gjermania është duke punuar me shtetet e Ballkanit Perëndimor që t’i sjellë më afër Bashkimit Evropian të gjitha ato shtete që më nuk janë pjesë.

“Nesër do të takohemi me 32-shen e ministrave të Mbrojtjes dhe aty ne do të jemi të fokusuar në çështjet tjera, përfshirë edhe KFOR-in.”

“Do të thotë se ne duhet të jemi të vetdijshëm për tensionet në Ballkanin Perëndimor dhe faktin se procesi i dialogut mes Prishtinës dhe  dhe Beogradit nuk është duke ecur siç do të donim ne, pra procesin e dialogut që ne e mbështesim”, ka thënë Rutte.

I pranishëm sot në këtë samit do të jetë edhe presidenti ukrainas, Volodymyr Zelensky./Klankosova.tv

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.