Rruga horror në Prizren (VIDEO)

Rruga Tusus në Prizren është bërë e gati e pakalueshme për automjete, transmeton Klan Kosova.

Telashet u  krijuan qysh kur një gropë u hap përskaj udhës.

Për këtë çështje, prizrenasit akuzojnë një fqinj të tyre, Muhamet Kryeziun, se me vetëdije e ka gërryer dheun para një viti, kur rruga ende nuk ishte e shtruar me kubëza.

Mirëpo, këto akuza i hedh poshtë Kryeziu, i cili thotë se dheun e mori në masë të kontrolluar, transmeton Klan Kosova.

Përveç Kryeziut, këta banorë të rrugës UÇK në Prizren, ankesa kanë edhe në Komunë, për të cilën thonë se e ka bërë rregullimin me pllaka të betonit në mënyrë të papërgjegjshme.

Pushteti lokal thotë se është në dijeni për ankesat që i kanë parashtruar këta banorë.

Kronikë nga Rozafë Selmanaj.

klankosova.tv

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.