Rregullatorët evropianë dhe britanikë rekomandojnë vaksinën AstraZeneca

Rregullatorët evropian dhe britanik kanë deklaruar se kanë gjetur një “lidhje të mundshme” mes vaksinës AstraZeneca dhe rasteve të rralla të trashjes së gjakut, por rikonfirmuan rëndësinë e saj në mbrojtjen e njerëzve kundër COVID-19.

Një grup këshillimor i qeverisë britanike ka deklaruar se vaksina nuk duhet t’u jepet të rinjve nën 30 vjeç kur është e mundur, duke shtuar se efektet anësore të AstraZeneca janë jashtëzakonisht të rralla,  transmeton Klan Kosova.

Po ashtu edhe Agjencia Evropiane e Ilaçeve (EMA) ka dalë me një deklaratë në të cilën thuhet se përkundër “lidhjes së mundshme” me trashjen e gjakut, vaksina ka përftime të cilat i tejkalojnë rreziqet e deritanishme.

Shumë shtete në botë e kanë ndërprerë përdorimin e kësaj vaksine, e cila iu është dhënë 10 milionë njerëzve në Evropë. Shumica e këtyre shteteve e kanë filluar sërish vaksinimin me AstraZenca, duke u përfshi Franca, Holanda dhe Gjermania, të cilat e kanë ndaluar këtë vaksinë për personat nën moshën 60 vjet, shkruan Reuters.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.