Rrëfimi i izraelites: ShBA-të ndihmojnë Izraelin si Kosovën në vitin 1999 (VIDEO)

Kur Amerika bombardoi tri centralet e mëdha të Iranit, nëpërmjet operacionit special “Çekani i Mesnatës” mëngjesi qeli Izraelin nën alarm.

Sirenat u lëshuan në plotë qytete përfshirë Tel Avivin e Jerusalemin, pasi që shteti iranian lëshoi raketa drejt atij Izraelit.

Kryetarja e Komitetit “Amerikano-Hebraik”, selia në Izrael, Avital Leibovich, nga Jerusalemi pa situatën e këtij mëngjesi. Ajo foli nga atje në një intervistë për Klan Kosova.

Sipas saj, u dëshmua se një sulm që ndodhi kundrejt caqeve nukleare në Iran, tregon se sa e koordinuar është Qeveria e Izraelit me Qeverinë Amerikane.

Gruaja që shpesh viziton Republikën e Kosovës, dhe që për  vite ka qenë zëdhënëse e ushtrisë së Izraelit, thotë se me situatën e tanishme të Izraelit sheh ngjashmëri me situatën e vitit 1999 kur ndodhi lufta e fundit në Kosovë.

E njëjta tha se ShBA-ja me sulmet ndaj Iranit i doli në ndihmë Izraelit, si Kosovës në ‘99-në.

Leibovich, mendon se armët nukleare të Iranit nuk janë kërcënim vetëm për Lindjen e Mesme apo Izraelin, por për të gjithë botën.

Ndryshe Izraeli e ka njohur Kosovën, shtet të pavarur e sovran më 1 shkurt 2021. Kjo njohje erdhi si derivat i ujdisë Kosovë-Serbi, në Shtëpinë e Bardhë  e arritur më 4 shtator 2020. /Klankosova.tv

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.