Bleona rrëfen tmerrin në Kumanovë

Familja Fejzullahi nga Kumanova ka treguar tmerrin e mëngjesit të djeshëm kur janë bastisur dhe rrethuar nga policia maqedonase.

Bleona Fejzullahi  i ka rrëfyer Klan Kosovës ankthin e përjetuar nga ajo dhe familja e sajë.

“Kemi qenë të rrethuar nga policia maqedone, kishte britma të fëmijëve, trauma e ankth nga ne, pas orës 11:00 u larguan dhe morën me vete 9 anëtarë të familjes. Samet Fejzullahi(48), Mehmet Fejzullahi(48), Fikrie Fejzullahi(38), Shejnaze Fejzullahi (41), Leotrim Fejzullahi (19), Ilirid Fejzullahi-18, Artizana Fejzullhi(18)”, ka thënë Bleona.

Pas mbajtjes 15 orëshe femrat e familjes policia i kishte lëshuar, por jo edhe burrat të cilët ende po mbahen, ka treguar ajo.

Të prangosur janë edhe disa anëtarë të familjes së ngushtë Fejzullahi.

“Të prangosur janë edhe Liman, Murat, Isa, Bejtulla e Teuta Latifi”, ka treguar Bleona.

Ata ende mbeten në polici dhe nuk dihet se çfarë po ndodh me ta.

klankosova.tv

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.