Ronaldo, De Bryne, Mbappe, kush do të fitojë çmimin “Lojtari i Kampionatit”?

Betfair ka hapur bastin se kush meriton të fitojë çmimin si lojtari më i mirë i Kampionatit Euro 2020  dhe Klankosova.tv ju sjell 10 të parët.

Mbappe dhe De Bruyne e gjejnë veten mbi Ronaldon në bast, megjithëse kanë performancë  relativisht të qetë deri më tani. De Bruyne nuk luajti në ndeshjen e parë për  Belgjikën, por ai është favoriti siç qëndrojnë gjërat. Paraqitja e tij në pjesën e dytë kundër Danimarkës rezultoi në një gol dhe një asistim, ndërsa u kthye nga një dëmtim në fytyrë. Belgu regjistroi një tjetër asistim në fitoren kundër Finlandës.

Sa i përket Mbappes, ai ende nuk ka shënuar për Francën, pavarësisht se ata kryesuan në grupin e tyre.  Fakti që mbi Ronaldon janë dy lojtarë, i cili ka shënuar pesë gola, është për t’u habitur, shkruan GiveMeSport.

Franca është favorit për të fituar turneun dhe, nëse e bën, një francez ka një shans të mirë për të fituar lojtarin e turneut. Portugalia e Ronaldos përballet me Belgjikën, dhe nëse do të humbnin, shpresat e Ronaldos për të fituar çmimin mund të mbaronin.

Kante e gjen veten të katërtin në bast, ndërsa Pogba është i gjashti dhe Griezmann është i shtati.

Lukaku është i pesti, por shanset e tij ka të ngjarë të rriten nëse ai mund ta drejtojë skuadrën e tij drejt fitores kundër Portugalisë.

Immobile i Italisë dhe Wijnaldum i Holandës gjithashtu e gjejnë veten në 10 më të mirët pas fillimit të fortë të turneut si individualisht ashtu edhe si ekip.

Eriksen, i cili pësoi një arrest kardiak gjatë ndeshjes hapëse të Danimarkës, në të vërtetë është i 10-ti në bast. Nëse Danimarka fiton turneun, atij mund t’i jepet trofeu.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.