Rita Ora tani ka një të dashur të ri

Rita Ora, pas ndarjeve të shumta po përjeton një lidhje të re dashurie.

Djali fatlum që e ka për të dashur po thuhet të jetë Travis Barker, bateristi i grupit Blink, raporton revista amerikane Us Weekly, transmeton Klan Kosova.

Rita është parë shpesh nën shoqërinë e Travis Barker që pas takimit të tyre të parë në ndeshjen e basketbollit me 20 shtator në Los Angeles.

“Kur Rita e ka parë Trevis ka filluar të kërkojë që të dijë më shumë për të”, ka thënë një burim i afërt me këngëtaren 24 vjeçare. “Që nga ajo ditë ata janë bashkë dhe të pandashëm”.

“Ajo që i bashkon ata është dashuria e madhe për muzikën”, ka thënë ai.

Barker është babai i dy fëmijëve nga martesa e parë e cila kishte zgjatur 6 vjet, kurse Rita kohëve të fundit është ndarë nga i dashuri Ricky Hilfiger me të cilin ishte në lidhje për më shumë se një vjet.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.