“Reuters” shkruan për zgjedhjet në Shqipëri: Partia Socialiste po kryeson në votat parlamentare

Mediumi prestigjioz ndërkombëtar “Reuters”, ka shkruar për rezultatin e zgjedhjeve parlamentare në Shqipëri.

“Reuters” thotë se kryeministri Edi Rama është në rrugën e duhur për një mandat të katërt, pasi rezultatet e pjesshme treguan Partinë Socialiste me një epërsi komanduese në zgjedhjet parlamentare të së dielës.

Partia Socialiste fitoi 53% të votave me 30% të votave të numëruara, tregojnë rezultatet e Komisionit Zgjedhor, duke e radhitur atë shumë më përpara Partisë Demokratike të ish-kryeministrit Sali Berisha, e cila deri tani ka mbledhur 34% të votave.