Real Madridi mund të marrë vendim të ashpër për Valverden dhe Tchouamenin

Pas ngjarjet së rëndë që tronditi Real Madridin, ku pati përleshje fizike mes Fede Valverdes dhe Aurelien Tchouamenit gjatë stërvitjeve ka detyruar klubin të hapë procedime disiplinore ndaj tyre.

Drejtuesit e klubit e konsiderojnë situatën të papranueshme dhe po vlerësojnë seriozisht shitjen e të dy lojtarëve gjatë kësaj vere si një masë ndëshkuese. ​

Ky skandal pritet të ndryshojë fatin e lojtarëve të tjerë si Eduardo Camavinga dhe Dani Ceballos, të cilët ishin në listën e largimeve, por tani mund të qëndrojnë për të mbuluar boshllëkun e krijuar.

Ndonëse Valverde dhe Tchouameni janë shtylla të ekipit, klubi nuk do të tolerojë thyerjen e disiplinës dhe do të kërkojë përfitime maksimale nga shitja e tyre në tregun e transferimeve.