Rama me “Çetën e Profetëve”, ua uron Krishtlindjen besimtarëve

Kryeministri i Shqipërisë, Edi Rama, ka uruar besimtarët e krishterë për festën e Krishtlindjes.

Urimin, Rama e bëri përmes një imazhi të veprës monumentale të Pjetër Bogdanit, “Çeta e Profetëve”.

“Mirëmëngjes, dhe me këtë imazh të shkëputur nga frontespici i veprës monumentale të Pjetër Bogdanit, “Çeta e Profetëve”, ju uroj Gëzuar Krishtlindjen”, shkroi Rama.

Besimtarët e krishterë në mbarë botën festojnë sot Krishtlindjen, ditën e lindjes së Jezu Krishtit.

Kjo festë është një nga ngjarjet më të rëndësishme në kalendarin e krishterë dhe simbolizon lindjen e shpresës dhe dritës. /Klankosova.tv