Rama: Basha kastravec hyri, kastravec doli

Duke folur nga Berati, Rama tha se Basha hyri dhe doli kastravec.

“Se ishte dhe një Xhemal Tafaj, një shok i Fadilit, se ne s’e kemi njohur, vajti në Kajro, pa ca drita dhe tha do e bëj Tiranën si Kajron dhe vuri ca drita te Lana.

Erdhi ai Sali Kelmendi, i shkreti ndjesë pastë se vdiq, po i hapi ca qofteri. Do thoni i vuri në mes të sheshit Skënderbej, po s’ka problem, të paktën e bëri një gjë, e hapi një kompleks për qofte e raki. Sapo kishte filluar demokracia dhe dukej liri e madhe të pije raki e të haje qofte te sheshi Skënderbej.

Erdhi një Albert Brojka, ndërtoi ca pallate, keq i ndërtoi, por i ndërtoi. Po ky (Basha) çfarë bëri? Një gjë, një! Të paktën të thonë e bëri një gjë, por e bëri gabim. Zero. Tamam ashtu siç hyri, ashtu doli, kastravec, si ajo kënga.

Tani ju për ça keni nevojë, të mbjellim nga një kastravec në çdo bahçe të bashkive, e për ça na duhet? Se këta as nuk hahen,” tha Rama.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.