QKUK: Mbi 46 mijë qytetarë morën ndihmë mjekësore emergjente për 6 muaj

Qendra Klinike dhe Univeristare e Kosovës bën të ditur se në Klinikën Emergjente për gjashtë muajt e fundit kanë pranuar tretman mjekësor 46 mijë e 769 pacientë.

Në njoftimin e lëshuar thuhet se prej këtyre 4 mijë e 770 janë pranuar për trajtim të mëtejmë në klinika të ndryshme internistike dhe kirurgjike.

“Nga numri i përgjithshëm i pacientëve, mbi 10 mijë pacientë janë trajtuar në reanimim, 15 mijë ne shërbimin internistik, 7 mijë e 505 raste kirurgjike, mbi 10 mijë pacientë në shërbimin ortopedik”.

“Poashtu, për këtë periudhë kohore janë kryer 636 operacione në sallat operative dhe  mbi 3 mijë raste në sallën  e vogël të intervenimeve”, thuhet në njoftim.

ShSKUK ka njoftuar se ka marrë masa bashkë me spitalet e përgjithshme, që rastet emergjente që mund të marrin trajtimin në spitalet e përgjithshme, mos të referohen në QKUK. /Klankosova.tv

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.