Qeveria britanike do të publikojë një raport parlamentar që do të shqyrtojë pretendimet e ndërhyrjes ruse në politikën britanike pas zgjedhjeve të vendit në 12 dhjetor, tha të dielën ministri i sigurisë, Brandon Lewis.
Lewis i tha Sky News se raporti nuk mund të botohej gjatë të ashtuquajturës periudhë “purdah” e cila përcakton rregulla mbi njoftimet e qeverisë gjatë një fushate zgjedhore, transmeton Klan Kosova.
“Ne duam të sigurohemi, veçanërisht kur përfshihet siguria kombëtare, ne e kalojmë atë proces siç duhet dhe në mënyrë të plotë. Ne nuk mund t’i botojmë gjërat gjatë zgjedhjeve të përgjithshme … por pas zgjedhjeve të përgjithshme, ai raport do të publikohet”, tha Lewis.
